350 lane vil okap eskel posib poun’ vin fè sweet Micky kouri kanaval ladanl ?

opinion publique
Publicités

350 lane vil okap eskel posib poun’ vin fè sweet Micky kouri kanaval ladanl ? Lèn’ sonje non mouche sa ak tout fanmiy li enplike nan vòlè kòb petrokaribe a.

2020 fè 350 lane depi vil okap te fèt konsa listwa raple nou kijan nan tan koloni jan okap te bèl, yo te menm relel’ ” le Cap français” yon fason pou montre janl’ te sanble tèt koupe ak vil anfrans.

Pou moun ki konn listwa vil okap byen. Nan linèt politik,ekonomik, sosyal osnon kiltirèl nou toujou charye kote ki pozitif yo dayè nou bay plis pèsonalite ki make listwa politik peyi a tankou Jn Price Mars Antenor Firmin épi pote plis pou ekonomi peyi a (Labadie) makonnen ak anpil mizisyen tankou Roge Colas, Michel Tassy,Ulrick Pierre Louis, Ritchy,Arly Lariviere poum site nom sa yo.

Jodia vil okap konnen yon absans sitwayen ki fè moun yo aksèpte viv san fyète kristofyèn nan. Se vre anpil moun kite vil la al viv nan peyi etranje konsa sa k’ rete yo pa ka reziste devan fenomèn “demografik” vil la ki merite yon etid “etnografik” pou rantre nan lòd pratik moun yo te gen nan milye riral yo yon mannyè poun anpeche yo vini ak yo nan vil la. (Egzanp yo bati kote yo jwenn jete fatra ,twalèt nempòt kote)

Etnografik pou moun ki zanmi la syans se yon konesans ki pèmèt ou etidye sou teren, jan moun yo ap viv,kilti yo ak moeus yo. Jodia fenomèn demografik la rantre nou nan lojik bouche nen nou bwè dlo santi.

Konsa nan lane 2006 Ayiti ta pral gen chans rezoud pwoblèm sa ak koperasyon Venezuela ki ta pral bay nou lajan petrokarib a kote depatman Nò a te genyen plis pase yon 20tèn pwojè pou te fè devlòpman ladanl.

Nou kap siyale kèk pwojè :
Pon ri 5 boulva ki tap pwolonje boulva a pou rive devan èpòt la (8milyon 767mil 800dola vèt pou pon an sèlman) 5milyon dola pou te rehabilite andan vil okap. Wout bogne pòmago a Agritrans ak Betex manje kòb la nan konplisite ak ansyen depite Jude Charles Faustin kòm rekonpans li vin konseye Jovnèl, Lopital Justinien,Èpòt okap la elatriye…..


Nou panse 350 lane vil okap tap enskri nan yon depa politik ekonomik ,Sosyal, Kiltirèl epi touristik yon mannyè poun pote yon lòt siyal bay tout moun kap viv nan depatman an.

Nap fini poun’ di pozisyon nou pap chanje nan batay pou kraze sistèm sa paske sistèm sa fè nou pa ka reflechi pwogrè kidonk 350 lane vil okap pa dwe fete nan labou,nan fatra,nan ensekirite, nan blakawout, nan kidnapping. Nou pa gen lopital konsa ijans la paka resevwa 3 moun pou pipiti, lapolis enpwisan devan gang Aji vit yo nan chada 2 . Pou rezon sa, sèl mobilizasyon kont sistèm sa kap bay rezilta ak yon lòt pwojè pou moun viv tankou moun nan peyi a.

Jacques Wilson JEAN
#Vyepapa
Yonn nan dirijan lopozisyon nan depatman nò

Facebook Comments
Publicités